Policia e Durrësit ka proceduar penalisht një edukatore në një Kopësht të lagjes nr.14. Burime zyrtare bëjnë me dije se 40-vjeçarja u procedua penalisht pas kallëzimit nga nëna e një fëmije 3 vjeç. Kjo e fundit ka gjetur edukatoren fajtore për lëndimin e fëmijës në këmbë gjatë kohës kur ishte në Kopësht duke shkuar menjëherë në polici. Ndërkohë, fëmija është larguar menjëherë për në shtëpi pas mjekimit në spitalin e Durrësit
“Nga specialistët për Hetimin e Krimeve në Komisariatin e Policisë Durrës, u procedua penalisht për veprën penale “Plagosja e lehtë nga pakujdesia”, shtetasja E. K., 40 vjeçe, banuese në Durrës, (edukatore në një kopësht në lagjen nr.14, Durrës), pasi ka bër kallëzim shtetësja Z. Sh., se gjatë kohës që ka qënë në kopësht i është lënduar në këmbë fëmija i mitur 3 vjeç dhe pas mjekimit në spital është larguar në banesë”, njofton policia. /abcnews.al
