Një ngjarje e rëndë ka ndodhur në Kamëz, ku një 27-vjeçar është arrestuar për veprën penale “Dhunë në familje”.
Policia përmes një komunikate zyrtare bëri me dije se 27-vjeçari ka udhtruar dhunë ndaj vajzës së tij 6-vjeçare. Ndërkohë që, burime për News 24, bëjnë me dije se fëmija ndodhet në spital në gjendje të rëndë për jetën.
6-vjeçarja po i nënshtrohet kontrolleve mjeko-ligjore, pasi dyshohet se mund të ketë pasur dhe abuzim seksual.
Denoncimi në polici është bërë nga nëna e vajzës, ndërkohë që policia po vijon hetimet për zbardhjen e ngjarjes.
Njoftimi i policisë:
Nga specialistët për Hetimin e Krimit në Komisariatin e Policisë Nr.5 u bë arrestimi në flagrancë i shtetasit R. K, 27 vjeç, pasi dyshohet se ka ushtruar dhunë ndaj vajzës së tij së mitur, e cila ndodhet në spital, për ndihmë mjekësore.
