BallinaKronikeE ruajtën sapo doli nga banesa dhe e qëlluan me breshëri kallashnikovi,...

E ruajtën sapo doli nga banesa dhe e qëlluan me breshëri kallashnikovi, si u vra biznesmeni 54-vjeçar në Laç, policia ka disa të dyshuar

Detaje të reja kanë dalë në dritë nga atentati i ndodhur mëngjesin e sotëm në Laç, ku mbeti i vdekur 54-vjeçari Rakip Rroli.

Gazetarja Doriana Bezat, raporton për “BalkanWeb”, se viktima dyshohet se është ruajtur nga atentatorët dhe sapo ka dalë nga banesa është qëlluar me breshëri kallashnikovi. Ajo tha më tej, se policia ka disa persona të dyshuar lidhje me këtë ngjarje dhe ka shoqëruar në komisariat disa persona.

Pista kryesore që po hetohet deri më tani është ajo e konflikteve të mëparshme, pasi viktima, Rakip Rroli, ishte përfshirë në një konflikt 10 vite më parë, ku së bashku me një person tjetër, lanë të plagosur një 20-vjeçar.

Ndërkohë në vendngjarje ndodhen forca të shumta policie, të cilët kanë ngritur pika kontrolli në hyrjet dhe daljet e qytetit. Deri më tani, nuk ka raportime për makinë të djegur, një skemë kjo e përdorur nga atentatorët thuajse pas çdo vrasje të ndodhur.

spot_imgspot_imgspot_imgspot_img
spot_img
RELATED ARTICLES
- Advertisment -spot_img
- Advertisment -spot_img

Most Popular