Dy ditë më parë, zëdhënësja e “Foltoreve” të ish-kryeministrit Sali Berisha, Floriana Garo publikoi në rrjetin e saj social, një dokument të Komisionit të Rithemelimit të PD-së, ku i kërkohej kryedemokratit Lulzim Basha që të lironte selinë blu deri më datë 5 janar.
Duke qenë se ky komision, i ngritur nga Kuvendi i 11 dhjetorit i organizuar nga ish-kryeministri Berisha, ka 29 anëtarë, atëherë dhe në këtë dokument duhen firmat e të gjithëve.
Një prej komentuesve të saj, ka vënë re se në këtë dokument nuk janë 29 firma dhe sipas tij, mungojnë 10 emra.
Në reagimin e tij, komentuesi shkruan se edhe në këtë Komision të Rithemelimit, ka përçarje dhe janë krijuar grupime.
“Mungojnë edhe 10 firma e dashur Floriana Garo! Pse mungojnë? Në ju kemi mbështetur të gjithëve! Pse po ndaheni? Edhe këtu po lind një opozitë e re, te grupi i ashtuquajtur i Rithemelimit, deri sat ë shprehet gjykata e shkallës së dytë, se ai është vendim ekzekutiv Flora. Uroj të bëhet më e mira për ne e dashur” – shkruan komentuesi.
