Deputeti i PD Ervin Salainji deklaroi në emisionin “Zonë e Lirë” se Partia Demokratike do t’i fitojë të 6 bashkitë ku do të zhvillohen zgjedhje të pjesshme më 6 mars.
Salianji theksoi se demokratët nuk mund të votojnë kandidatë të Berishës të cilët dëmtojnë PD-në dhe fuqizojnë Ramën.
“Nuk u prodhua asnjë gjë nga qëllimet e foltores. Nuk arriti sepse shumica u vendos në institucionet e PD-së. Tani ka një PD. Një ka opozitë zyrtare PD-ja. PD do ketë një kandidat nuk do jetë e përçarë. Për shkak të rrethanave ne do të fitojmë, ne do dalim të parët. PD-ja do i fitojë të 6 bashkitë. Ata do votojnë për PD-në dhe kandidatët më të mirë. Nuk besoj se ka një demokrat që del për t’i bërë dëm PD-së. Kandidatët e tjerë të pavarur apo të aleatëve nuk janë të PD-së.
Demokratët nuk votojnë për të fuqizuar Ramën. Mendoni se ka demokratë që do votojë një kandidatë që dihet se nuk fitohet?! Rama e shikon se është keq. Po tenton me para, janë turrur për të gjetur kandidatë te demokratët. Rama po mbështet Berishën. E dëgjuat dje çfarë tha me Rakipllarin, nuk e njoh, nuk është ky kryetari i PD. Kush u pyet për zgjedhjet e 6, vetëm PS. PD fiton 6, kaq”, tha Salianji.
