Viktima është 26 vjeçari Arben Mici i cili është arrestuar këtë pasdite nga policia e Kamëz për dhunë në familje.
Zjarri dyshohet se është shfaqur fillimisht tek dhomat e personave që mbahen të ndaluar. Agjencia e Mbikëqyrjes Policore ka dërguar grup të posaçëm hetimor për këtë ngjarje.
Njoftimi i policisë:
Më datë 26.03.2022, në Kamzë, në ambientet e Komisariatit të Policisë Nr. 5, në rrethana ende të paqarta, ka rënë zjarr dhe si pasojë janë dëmtuar dhe janë dërguar në spital për ndihmë mjekësore shtetasit e ndaluar A. M., D. I., dhe punonjësi i policisë H. B.
Shtetasi A. M., ka ndërruar jetë në spital.
Me ndërhyrjen e zjarrfikëseve dhe të punonjësve të Policisë të Komisariatit Nr. 5, zjarri u shua.
Grupi hetimor ndodhet në vendngjarje dhe po punon për sqarimin e rrethanave të ngjarjes.
