Futbolli i femrave po merr përmasa të jashtëzakonshme. Mjafton të shikoni sot pamjet që vijnë nga “Camp Nou” në El Clasicon e Champions League mes Barcelonës për femra dhe Real Madridit ku në stadium ishin 91.553 persona.
Një rekord i ri në futbollin për femra që thyen atë që mbahej që nga viti 1999 në ndeshjen SHBA-Kinë të Botërorit për femra dhe ku ishin të pranishëm 90.185 tifozë.
Ishte një spektakël i vërtetë të shikoje mijëra tifozë në një ndeshje për femra dhe spektakli në fushë nuk mungoi.
Barcelona nuk zhgënjeu dhe dominoi ndeshjen duke fituar 5-2 teksa kishte fituar edhe takimin e parë 3-1. Për katalanaset ky sukses i çon në gjysmëfinalen e Champions League për femra./Ora News/.
