Një modele e njohur në rrjetet sociale, Courtney Clenney, ka përfunduar në prangat e policisë pasi akuzohet për vrasjen e të dashurit. 25-vjeçarja tashmë ndodhet në spitalin psikiatrik.
“Daily Mail” shkruan se e reja besohet se ka qëlluar për vdekje me thikë 27-vjeçarin, Christian Obumseli. Më pas ajo ka vazhduar normal “punën e saj” të publikimit të fotove provokuese për ndjekësit e saj në rrjet.
Modelja e “OnlyFans”, e njohur gjithashtu me emrin Courtney Tailor, ka varë 27-vjeçarin pas një konflikti mes të dyve në apartamentin në Miami, Florida, Shtetet e Bashkuara të Amerikës
“Ne e dimë se kishte pasur një përleshje mes të dyve para se ai të goditej me thikë”, tha një zëdhënës i policisë së Miami.
Sipas raportimeve, oficerët kishin gjetur të riun të qëlluar një herë fatalisht me thikë në shpatull, në apartamentin e luksit ku i kishte thirrur vetë Clenney. Ai u dërgua me urgjencë në spital por nuk arriti t’i mbijetonte plagëve.
Miqtë e çiftit thanë se ishin të shokuar nga vdekja e tij, por shtonin se Clenney ishte treguar e dhunshme ndaj Obumseli edhe në të kaluarën.
“Ne e kemi parë që ajo e ka goditur edhe më parë. Nuk kemi parë asnjëherë që ai të godiste atë”, tha mikesha e çiftit, Ashley Vaughn, e cila shton: “Nga ajo që kemi dëshmuar nuk besojmë se Christian do ta vendoste në një pozitë që ajo ta godiste me thikë për të mbrojtur veten”.
Fqinjët e ndërtesës ku çifti raportohet se jetonin bashkë, thanë se kishte shumë precedentë të konflikteve të brendshme. Clenney u arrestua pas ngjarjes, por pas kërcënimeve se do të vriste veten u dërgua në institucionin mendor.
Deri tani autoritetet nuk kanë ngritur ende akuza ndaj Clenney për vrasjen e Obumseli.
