Kristiano Ronaldo sonte njoftoi nëpërmjet “Instagramit” lajmin e kobshëm për vdekjen e njërit prej binjakëve të porsalindur. Ylli portugez shkoi me pikëllim për vdekjen e djalit të tij, teksa bëri të ditur për ardhjen në jetë të vajzës, e cila për fat të mirë, gëzon shëndet të plotë.
Pas ngjarjes së trishtë ka reaguar edhe motra e CR7, Katia Aveiro, që nëpërmjet një postimi në “Instagram” ndër të tjera ka shkruar:
“Engjëlli ynë i vogël është tashmë në prehrin e gjyshit” shkroi Katia, duke iu referuar babait të tyre Dinis, i cili vdiq në shtator të vitit 2005.
Ajo gjithashtu shtoi: “Të dua dhe zemra ime është me ty atje. Zoti kujdeset për ju dhe forconi rrugën tuaj gjithnjë e më shumë. Vajza jonë e vogël është e fortë dhe plot shëndet dhe do të na tregojë çdo ditë se vetëm dashuria ka rëndësi.”
PANORAMASPORT.AL
