Rreth 5 mijë persona, të dyshuar apo që kanë dijeni për vepra të ndryshme penale, janë përgjuar gjatë vitit 2021, një numër ky rekord krahasuar statistikat e viteve të mëparshme.
Vetëm gjatë vitit që lamë pas janë përgjuar rreth 1 500 persona. Lidhur me këtë fakt ka folur kreu i SPAK, Arben Kraja, i cili në një komunikim për mediat tha se pjesë e listës së personave të përgjuar janë zyrtarë të të gjitha niveleve, ndërsa nuk bëri të ditur asnjë detaj më shumë.
Ai theksoi se shumë çështje lidhen me korrupsionin.
“Janë mjete për sigurimin e provës. Bëhen me direktivat e BE, rekomandohet SPAK-u që të angazhohet për më shumë hetime proaktive. Shumica e çështjeve lidhen me korrupsionin, në parametrave ligjor që parashikon ligji. Emrat e zyrtarëve janë nga të gjitha nivelet, nuk zbuloj emra, sepse çfarë kuptimi ka. Hetimet vazhdojnë”, tha Kraja.
