Sfida e arbitrimit të një finaleje të Ligës së Kampioneve të UEFA-s nuk është frikë për francezin Klemo Turpë.
Dhe me ndeshjen e madhe që do të luhet sot mes Liverpulit dhe Realit të Madridit në “Stade de France” në Paris, ai do të jetë shumë afër shtëpisë dhe, siç thotë ai, “do të jetojë momentin”.
– Kushdo në Francë që e do lojën tonë e konsideron atë si kisha franceze e futbollit, sepse Franca fitoi Kupën e Botës atje në 1998, ishte trofeu i parë i madh i ekipit kombëtar. Është një vend i veçantë, me siguri”.
Turpë shkon në Paris me një vendosmëri të fortë për të bërë mirë në tokën vendase dhe i mbushur me besim pas një magjie të paharrueshme që filloi me emërimin e tij për shfaqjen e Ligës së Kampioneve dhe përfundon me Katarin.
PËRMBUSHJA E ËNDRRAVE – “Ndihem i privilegjuar, – thotë babai i tre fëmijëve. – Kam arritur dy nga ëndrrat më të mëdha që mund të ketë një gjyqtar. Mendoj se është e rëndësishme të besosh se ke një yll mbi kokën tënde, siç themi ne për momentin, duket sikur ka një plejadë të tërë yjesh mbi mua!”
Turpë do të ndihmohet nga bashkatdhetarët Nikolas Danos dhe Siril Gringore, ndërsa një tjetër francez, Benua Bastien do të jetë gjyqtari i katërt.
Roli i VAR-it i është caktuar Zherom Brisardit dhe ai do të ndihmohet nga Uili Delajod dhe dy italianët Masimiliano Irrati dhe Filipo Meli. Ai mendon se detyra e së shtunës është një shpërblim për ekipin, veçanërisht për ndihmësit e tij Danos dhe Gringore.
Treshja nuk është e panjohur për rastet e klubeve të mëdha europiane, pasi së fundi kanë parë shërbimin në finalen e UEFA Europa Ligë të sezonit të kaluar në Gdansk.“Ne kemi qenë bashkë për shumë vite, jemi një familje dhe si çdo familje, ne kemi përjetuar ulje dhe ngritje, po rëndësi ka që të marrim vendime të sakta dhe jopopullore”, e mbylli Turpë.
PANORAMASPORT.AL
