Ndarja nga jeta e Mbretëreshës Elizabeth ka hidhëruar jo pak qytetarët britanikë, mes të cilëve edhe prezantuesit e lajmeve në mediat më të mëdha të ishullit. Në reagimet e tyre ata nuk kanë mundur të ruajnë emocionet të cilat kanë qenë të forta për të gjithë britanikët.
Gjatë njoftimit të lajmit të hidhur në BBC, prezantuesi Huw Edwards, duke parë në kamerë përsëriti dy herë lajmin e keq në mënyrë solemne.
Kanali më pas kaloi në një interpretim instrumental të zymtë të himnit kombëtar, i mbështetur nga një foto e mbretëreshës së ndjerë.
Në LBC me prezantuesit Andrew Marr dhe Shaleigh Fogarty erdhi njoftimi: ‘Pallati Buckingham ka konfirmuar që Mbretëresha ka vdekur’, tha Marr duke iu dridhur zëri dhe duke mbajtur lotët.
Në ITV, Robert Peston tha “Një re e zezë ka zbritur mbi Dhomën e Parlamentit.
“Ka një ankth të thellë. Mbretëresha ka luajtur një rol kaq të rëndësishëm domethënës në të gjithë jetën tonë dhe një rol të rëndësishëm kushtetues.”
