Një ngjarje e rëndë ka ndodhur në Tepelenë pasditen e kësaj të enjteje, ku një 35-vjeçar ka goditur me thikë kunatin e tij 40-vjeç.
Ngjarja ka ndodhur në lagjen “15 Shtatori”, rreth orës 15:40, ndërkohë që mësohet se i plagosuri është transportuar me urgjencë drejt spitalit të Gjirokastrës.
Policia ka bërë të mundur arrestimin dhe shoqërimin në komisariat të autorit të ngjarjes. Grupi hetimor po vijon punën për zbardhjen e rrethanave të kësaj plagosjeje.
Tepelenë/Informacion paraprak
Rreth orës 15:40, në lagjen “15 Shtatori”, Tepelenë, dyshohet se shtetasi R. S., rreth 35 vjeç, banues në Tepelenë, ka goditur me mjet prerës, për motive të dobëta, kunatin e tij, shtetasin L. Sh., rreth 40 vjeç, banues në fshatin Hormovë, Tepelenë, i cili është transportuar në Spitalin Rajonal Gjirokastër dhe ndodhet nën kujdesin e mjekëve.
Shërbimet e Komisariatit të Policisë Tepelenë, falë veprimeve të shpejta dhe profesionale, kanë bërë të mundur kapjen e autorit të dyshuar të ngjarjes, shtetasit R. S. dhe shoqërimin e tij në ambientet e Komisariatit të Policisë Tepelenë, për kryerjen e veprimeve procedurale.
Grupi hetimor po punon për zbardhjen e rrethanave të ngjarjes.
