Gazetari Eraldo Harlicaj ka treguar në emisionin “Opinion” rrugëtimin e tij drejt Dunkirk, qyteti francez nga ku nisen gomonet me shqiptarë dhe shtetas të tjerë, drejt Britanisë së Madhe.
Pjesë e emisionit “Piranjat” në abc news, gazetari ka përshkuar gjithë rrugën me autobus deri në Francë e më pas ka qëndruar për disa ditë në çadrat e vendosura brenda pyllit, në pritje për të realizuar nisjet.
Ndër të tjera, Harlicaj tha se në kamp kishte përplasje me armë. Ai tregoi se frika ishte e madhe, e madje njëri nga djemtë i trembur prej krismave, kishte hapur brenda çadrës një gropë dhe flinte aty./Opinion.al
