Gjashtë persona janë plagosur mbrëmjen e sotme në një aksident në zonën Lagunës së Patokut. Raportohet se dy makina janë përplasur në afërsi të zonës bregdetare. Siç shihet nga pamjet, përplasja ka qenë e fortë ku të dy automjetet kanë pësuar dëmtime të shumta në pjesën e përparme
Si pasojë e aksidentit, u plagosën 6 persona të cilët u dërguan menjëherë në spital. Disa prej të plagosurve janë nisur drejt spitalit të Traumës në Tiranë, ku ende nuk dihet gjendja e tyre shëndetësore. Në vendngjarje ka shkuar policia e cila ka nisur hetimet për zbardhjen e plotë të ngjarjes.
