Një 42-vjeçar është arrestuar nga policia e Vlorës, pas disa minutash ndjekje nga ana e uniformave blu. Korrespondenti i Panorama raporton se personi, i cili qarkullonte me një makinë Porsche ngjyre blu nuk i është bindur urdhrit për të ndaluar
42-vjeçari me iniciale H.H, banues në lagjen “Partizani” Vlorë u arrestua rreth orës 01:50.
Ky shtetas lëvizte me automjet pa targa dhe nuk ju bind urdhrit te patrullës Shqiponja 1 për te ndaluar por u largua me shpejtësi ne brendësi të lagjes Isa Boletini.
42-vjeçari ishte i maskuar, ndalimi dhe prangosja e tij u bë në një e rruge dytësore pas rreth 15 minutash ndjekje.
Në momentin e prangosjes ai tha se ishte konfliktuar në një klub nate “Club Calvin” dhe për ketë arsye ishte maskuar dhe kishte hequr targat e mjetit.
Gjate kontrollit te mjetit u gjet një maske, 1 mjet prerës thikë dhe targat e automjetit.
Gjate testit te kryer nga qarkullimi rrugor rezultoi se personin ishte në gjendje të dehur, me testin 1.410 mgl.
Ndër të tjera Policia konstatoi se i maskuari kishte hematoma në fytyrë, për rrjedhojë 42-vjeçari kërkoi ndihmë mjekësore nga policia pasi ka thënë se e kishin goditur disa persona te “Club Calvin”.
42-vjeçari u shoqërua për ndihmë në spitalin rajonal Vlorë ku dhe u shtrua për analiza të mëtejshme dhe ruhet nga patrulla e rendit.