Vetëm pas disa javësh në arrest shtëpie, ish-deputeti Alqi Bllako do të rikthehet sërish në burg.
Kujtojmë se disa ditë më parë, me dyshimin se Bllako mund të ndikojë në marrjen e provave dhe te persona të tjerë, SPAK kundërshtoi në Gjykatën e Apelit lirimin e tij.
Në kërkesën e apelimit të SPAK, përmendej gjithashtu rreziku se Bllako mund t’i largohet drejtësisë dhe t’i shmangej një dënimi të mundshëm.
Nga ana tjetër bëjmë me dije se Bllako u arrestua për korrupsion dhe për shpërdorim detyre së bashku me nëntë persona të tjerë të dyshuar për aferën gati 5 milionë euro të inceneratorëve të Fierit dhe të Elbasanit.
