Disa ditë pasi amerikanët iu drejtuan qendrave të votimit, rezultatet përfundimtare të zgjedhjeve afatmesme në SHBA mbeten ende të paqarta, me zyrtarë në të gjithë vendin që paralajmërojnë se rezultati mund të mos dihet ende për javë të tëra.
Vonesat janë rezultat i një sërë faktorësh, duke përfshirë diferencat e pakta midis kandidatëve dhe faktin se Gjeorgjia – një fushë beteje kryesore e Senatit – po shkon drejt balotazhit.
Vonesat kanë qenë një çështje e diskutueshme politikisht që nga zgjedhjet presidenciale të vitit 2020, kur presidenti i atëhershëm Donald Trump u përpoq të pretendonte fitoren mëngjesin e pas zgjedhjeve, ndërsa votat ishin ende duke u numëruar dhe më pas nis pretendimet për manipulime zgjedhore.
Këtë javë, Trump ka hedhur sërish dyshime mbi procesin, përmes rrjetit të tij social “Truth”, ku i ka cilësuar zgjedhjet si “katastrofë të integritetit të votuesve” dhe duke akuzuar kundërshtarët e tij politikë për “përpjekje në lidhje me vjedhjen e zgjedhjeve përmes vonesave”.
Megjithatë, përpara zgjedhjeve afatmesme, zyrtarët zgjedhorë në të gjithë vendin paralajmëruan publikun se vonesat janë një pjesë normale dhe e pritshme e zgjedhjeve në SHBA.
Në një fjalim më 2 nëntor, presidenti i SHBA Joe Biden gjithashtu paralajmëroi se “është e rëndësishme që qytetarët të kenë durim” ndërsa fletëvotimet numërohen “në mënyrë ligjore dhe të rregullt”.
Rinumërimi dhe balotazhi
Vonesat mund të shkaktohen edhe nga rinumërimet, të cilat mund të zhvillohen në gara me diferenca jashtëzakonisht të ngushta ose në shtete, ku kërkohet nga një prej kandidatëve pjesëmarrës. Ndërsa procesi ndryshon pak nga shteti në shtet, 41 shtete dhe Ëashington DC lejojnë që të kërkohet rinumërim. Njëzet e dy shtete kanë dispozita për rinumërime automatike.
Në Gjeorgji – ku ka një garë të ngushtë midis senatorit demokrat Raphael Ëarnock dhe republikanit Herschel Ëalker – kandidatët fitues duhet të marrin të paktën 50% të votave.
Me një kandidat të palës së tretë në fletën e votimit në mesmandatin e kësaj jave, asnjëri nga kandidatët nuk ishte në gjendje të arrinte atë prag, duke shkaktuar një balotazh të zgjedhjeve më 6 dhjetor. Ky skenar është një përsëritje e zgjedhjeve të vitit 2020 në këtë shtet, duke e çuar vendin në zgjedhje.
