Ish Kreu i PD, Lulzim Basha ka uruar 32 vjetorin e themelimit të Partisë Demokratike. Përmes një statusi në Facebook Basha shprehet se PD ka lindur europiane dhe e tillë do të mbetet mes sakrificash, e mbi sakrificat do të ngrihet më e fortë.
Statusi i Lulzim Bashës:
“Partia Demokratike ka lindur e re dhe do të mbetet e re, ka lindur europiane dhe do të mbetet europiane, ka lindur kombëtare dhe do të mbetet kombëtare, ka lindur mes sakrificash, e mbi sakrificat do të ngrihet më e fortë, ka lindur si shpresë e shqiptarëve për ndryshim dhe do të jetë sërish shpresa e tyre, ka lindur e madhe dhe do të bëhet edhe më e madhe, për Shqipërinë, për demokracinë.
Gëzuar 32 vjetorin e themelimit të Partisë Demokratike! Zoti i bekoftë shqiptarët dhe Shqipërinë!” shkruan Basha.
