Në një dalje për mediet, kryeministri Edi Rama u shpreh se ka nisur procedura për largimin e ambasadores amerikane në vendin tonë, Yuri Kim.
Ai shtoi se procesi është nisur nga DASH dhe komenti nga pala shqiptare është bërë vetëm në rastin e SHBA-ve, si një shtet i veçantë.
Rama: Nuk është thyer asnjë etikë asnjë lloji dhe procesi për zëvendësimin e ambasadores ka nisur sikurse e ka thënë ministria e Jashtme. Procesi nuk është nisur nga ne, por nga DASH, si për të gjithë ambasadorët kur bëhet fjalë për ambasadorët e tyre.
Amerikën e kemi të veçantë dhe nuk komentojmë për të gjithë ambasadorët e tjerë. Nuk ka krisje me Yuri Kim, ngjitja mes nesh është më e fortë se kurrë. Kemi bërë dje një takim të gjatë, konstruktiv dhe miqësor
Ndërsa deklarohet se kanë nisur procedurat e zëvendësimit të Yuri Kim, kjo e fundit në konferencën “Konsolidimi i Këshillit të Lartë Gjyqësor” sot theksoi se do të qëndrojë ende në Shqipëri.
