Një burrë në qytetin e Lezhës ka ndërruar jetë pasi teksa ka qenë duke fryrë gomën e kamionit në rrugë ajo ka plasur Gazetari Elidon Ndreka raporton se ngjarja ka ndodhur në aksin e vjetër rrugor Lezhë-Milot, ndërsa policia ka nisur hetimet në lidhje me rastin. Bëhet me dije se viktima është Spas Milloshi, 53-vjeçar, i cili punonte si gomist pranë një servisi në zonën e Kryqëzimit të Spitenit.
Njoftimi i policisë:
Lezhë / Informacion paraprak
Rreth orës 08:30, në një servis automjetesh në afërsi të Kryqëzimit të Spitenit, shtetasit S. M. 53 vjeç, gomist pranë servisit, duke punuar, i ka shpërthyer një gomë automjeti, e për pasojë ka humbur jetën.
Grupi hetimor në vendin e ngjarjes vazhdon veprimet hetimore për sqarimin e plotë të rrethanave të ngjarjes.
