Historia e jetës së Princit Harry e publikuar në librin e tij ka përshkruar luftën kundër vëllait të tij, përdorimin e kokainës, lidhjet e tij të dashurisë dhe mungesën e dëshirës që babai i tij të rimartohej, por ka gjithashtu një shtresë të thellë pikëllimi të pazgjidhur për Princeshën Diana, nënën e tij.
Pikëpamja e Princit Harry është e qartë që në fillim të librit, në dedikimin për gruan e tij Meghan, fëmijëve Archie dhe Lilibet dhe “sigurisht” nënës së tij dhe asgjë për vëllain e tij Princin William, babain e tij Mbretin Charles, apo kunatën e tij Catherine, Princeshën e Uellsit.
Botimi i këtij libri të diskutueshëm është tejkaluar nga rrjedhjet e shumta dhe një paraqitje e parakohshme në Spanjë, gjë që lejoi mediat, të merrnin një kopje përpara publikimit zyrtar.
E marrë në tërësi, ajo që është e dukshme është zemërimi që Princi Harry ende ndjen për pjesën më të madhe të jetës së tij si një mbretëror i ri dhe sesi ai hidhërim vazhdon të formësojë marrëdhëniet e tij të vështira me familjen mbretërore
Pas vdekjes së nënës së tij, Dianës. duket se është krijuar një ndarje mes Harryt dhe babait të tij, tani Mbreti Charles. Harry kujton se babai i tij nuk e përqafoi kur dha lajmin se Diana kishte vdekur, i ulur në shtratin e tij në Balmoral. Dhe ai përshkruan ecjen traumatike pas arkivolit të saj, turmat që i afroheshin atij dhe se si ai ndihej i paaftë për të qarë në publik.
Princi Harry ende ëndërronte për kthimin e nënës së tij, ndoshta duke u shfaqur fshehurazi me një parukë bjonde dhe syze të errëta. “Ndoshta ajo do të shfaqet këtë mëngjes,”.
Kur babai i tij prezantoi Camillan me djemtë e tij, Harry flet për frikën nga njerka e tij dhe duket i dëshpëruar për të shmangur që dikush tjetër të martohet me babanë e tij.
Shumë vëmendje i është kushtuar konfliktit më të brendshëm, mes Princit Harry dhe Princit William, dhe duke sugjeruar tensionet në marrëdhënien e tyre, Princi Harry e përshkruan vëllain e tij si “të dashur” dhe “armikun e tij”.
Ky konflikt arrin kulmin me pretendimin se Princi William sulmoi fizikisht vëllain e tij, duke e shtyrë atë në tokë pas një grindjeje në të cilën William raportohet se e kishte quajtur Meghan “të vështirë”, “të vrazhdë” dhe “gërryes”.
