Gazmir Korbi, i cili humbi jetën tragjikisht pas aksidentit të rëndë në Kroaci, ishte pjesë e komandës së Forcës Ajrore. Lajmi është bërë me dije nga ministri i Mbrojtjes, Niko Peleshi, i cili ka shprehur ngushëllimet për ndarjen e parakohshme nga jeta të Gazmir Korbit.
“I dhimbshëm lajmi i ndarjes nga jeta të Gazmir Korbit, në aksidentin e ndodhur në Kroaci. Ai nuk mundi të kthehej më mes kolegëve të tij në kompaninë e mbështetjes në Komandën e Forcës Ajrore pas lejes së zakonshme. Ngushëllime familjes për këtë humbje të madhe dhe të parakohshme!”, shkruan Peleshi.
