Kryeministri i Malit të Zi, Dritan Abazoviç ka komentuar incidentin e rëndë të ndodhur me profesorin e njohur shqiptar Petraq Milo në kufirin me Malin e Zi, duke thënë se është i keqardhur nga ngjarja dhe se ajo nuk ka arsye të politizohet
Dritan Abazoviç: Më vjen shumë keq që ka ndodhur. I kam kërkuar falje profesorit, masat i kemi marë menjëherë janë arrestuar aktorët e këtij incidenti më vjen shumë keq që ka ardhur deri te kjo çështje e është dukur se vjen nga Shqipëria.
Kushdo që vjen në Mal të Zi është i mirëseardhur. Nuk ka pse të politizohet kjo çështje, nuk ka të bëjë me politikën zyrtare, por me një moment që ka qenë katastrofal.
E ftoj profesorin të vijë, i kërkoj të vijë dhe atë ditë që ka ndodhur e cdo ditë me mijëra njerëz kalojë kufirin pa asnjë problem. Ndonjëherë ndodhin dhe këto gjëra ata që kanë përgjegjësi do dënohen ligji do zbatohet e na vjen keq.
I kam marrë të tëra informatat profesori nuk ka prishur radhën ka dashur dhe vetë të vejë rregull, por është bërë viktimë e këtij incidenti. Më vjen shumë keq.
