Mançester Junajtid ka vendosur një rekord këtë sezon, por në tribuna dhe jo në fushë. Sipas “Sporting News Football Club”, “djajtë e kuq” janë bërë klubi i parë i Premier Ligës që ka arritur 1 milion shikues në shkallët e “Old Trafford” në sezonin 2022- 2023. Gjigantët e Mançesterit kanë regjistruar një mesatare prej 73.913 spektatorësh për ndeshje këtë sezon. Kjo është një shifër fantastike, duke pasur parasysh se “Teatri i Ëndrrave” ka një kapacitet prej 74.310 vendesh. Mançesteri ka regjistruar një total prej 1.034.784 spektatorësh.
