Plas dhe në Gramsh, këshilltarët braktisin Këshillin, i kërkojnë kryebashkiakes zbatimin e dekretit të Metës

Numri i Bashkive që po zbatojnë dekretin e Presidentit Meta për anulimin e datës 30 qershor, si datë e zgjedhjeve pasi vetëm të tilla nuk mund të quhen vazhdon të rritet. Jo vetëm aty ku të zgjedhurit janë përfaqësues të forcave opozitare, por dhe në bashkitë ku drejtojnë përfaqësuesit e PS ka plasur debati. Sot pikërisht në Gramsh ka pasur një debat të ashpër mes këshilltarëve të djathtë dhe kryetares së Bashkisë së cilës i kanë kërkuar të zbatojë dekretin e Presidentit të Republikës Ilir Meta për anulimin e zgjedhjeve më 30 qershor. Në debat e sipër, përballë arrogancës së kryebashkiakes, janë larguar këshilltarët e djathtë ku është prishur dhe mbledhja e këshillit Bashkiak Gramsh. “Ne këshilltarët e djathtë i kërkuam kryetares  së bashkisë  të zbatojë dekretin e presidentit te Republikës se Shqipërisë.  Në shenjë proteste u larguam kjo solli prishjen e mbledhjes e radhës se këshillit bashkiak Gramsh” –thotë për startnews.al, kreu i këshilltarëve të opozitës në Bashkinë Gramsh, Elmas Haruni.