Miliarderi amerikan George Soros i ka dorëzuar drejtimin e perandorisë së tij financiare dhe bamirëse prej 25 miliardë dollarësh (19.9 miliardë paund) djalit të tij Alex-it.
Financieri me origjinë hungareze, në një intervistë me Wall Street Journal, tha se djali i tij “e kishte fituar” këtë të drejtë.
Sipas mediave të huaja, që nga vitet 1990, pasuria e familjes është orientuar për të mbështetur ndërtimin e demokracisë në dhjetëra vende.
Por vitet e fundit, ish-menaxheri 92-vjeçar i fondit mbrojtës është bërë fokusi i komploteve antisemite.
George Soros është gjithashtu një nga donatorët më të mëdhenj të Partisë Demokratike të SHBA. Alex, një 37-vjeçar i diplomuar në histori, është i dyti më i ri nga pesë fëmijët e tij.
Alex mori detyrën në Fondacionet e Shoqërisë së Hapur (OSF) si kryetar në dhjetor dhe është gjithashtu përgjegjës për “super PAC” të babait të tij, një mekanizëm amerikan për të drejtuar fondet për partitë politike.
Ndërsa ata ndajnë gjerësisht të njëjtat pikëpamje politike, ai i tha Ëall Street Journal se ai është “më politik” se babai i tij dhe se do të bënte fushatë kundër përpjekjes së Donald Trump për të kandiduar për një mandat të dytë si president i SHBA.
“Aq sa do të doja të nxirrja para nga politika, për sa kohë që pala tjetër po e bën këtë, do të duhet ta bëjmë edhe ne”, tha Alex Soros.
Ai tha se Fondacionet e Shoqërisë së Hapur do të ndiqnin të njëjtat synime që kishte nën babanë e tij, duke përfshirë fjalën e lirë, reformën e drejtësisë penale, të drejtat e pakicave dhe refugjatëve dhe mbështetjen e politikanëve liberalë. Por ai gjithashtu dëshiron të përfshijë nisma për të drejtat e votës, abortin dhe barazinë gjinore, ndërsa ndjek një axhendë më të fokusuar në SHBA.
