Apeli i GJKKO-së ka lënë në qeli ish-kryebashkiakun e Kukësit, Safet Gjicin, i cili kishte kërkuar masë më të butë sigurie. Gjithashtu, togat e zeza kanë lënë në fuqi vendimin e GJKKO-së për Alma Kaçin, duke dhënë masën e sigurisë “arrest shtëpie ndaj saj”. Safet Gjici dhe Alma Kaçi kishin kërkuar masë më të lehtë sigurie, por Apeli nuk ka pranuar kërkesat e tyre.
Ish-kryebashkiaku i PS-së u përfshi në një skandal pasi u bë publike video e tij duke kryer marrëdhënie seksuale me Alma Kaçin në zyrën e tij.
Pasi bënë s*ks në zyë, Safet Gjici i premtoi Alma Kaçit një tender për qentë e rrugës.
Njoftimi:
Gjykata e Posaçme e Apelit për Korrupsionin dhe Krimin e Organizuar, me trup gjykues monokratik të përbërë nga gjyqtare Saida Dollani, sot më datë 14.07.2023, zhvilloi seancë gjyqësore për çështjen penale nr. 32 akti, datë 10.07.2023 regjistrimi, regjistruar mbi ankimin e personave nën hetim S.Gj., A.K., ndaj vendimeve nr. 73, datë 24.06.02023 dhe nr. 74, datë 26.06.2023 (mbi caktimin e masave të sigurimit personal) të Gjykatës së Posaçme të Shkallës së Parë për Korrupsionin dhe Krimin e Organizuar dhe vendosi
– Miratimin e vendimit nr. 73, datë 24.06.2023 dhe të vendimit nr. 74, datë 26.06.2023 të Gjykatës së Posaçme të Shkallës së Parë për Korrupsionin dhe Krimin e Organizuar në lidhje me të hetuarin S.Gj.
– Mospranimin e ankimit të paraqitur nga e hetuara A.K. nëpërmjet mbrojtëses së zgjedhur ndaj vendimit nr. 74, datë 26.06.2023 të Gjykatës së Posaçme të Shkallës së Parë për Korrupsionin dhe Krimin e Organizuar.
