Një aksident rrugor ka ndodhur në udhëkryqin e San Bernardino përgjatë Bastias në Itali.
Aksidenti ka ndodhur pasditen e sotme dhe sipas informacioneve nga mediat italiane, një shtetas shqiptar 50-vjeçar ka humbur jetën.
Shtetasi shqiptar që banonte në Ferrara, po udhëtonte me një motoçikletë dhe në kryqëzimin e San Bernardinos, nuk mundi të shmangte makinën, u përplas me të dhe u rrëzua në kanalin anësor të rrugës.
Pas plagëve të rënda të marra nga përplasja me makinën, pavarësisht ndërhyrjes së pajisjeve mjekësore dhe autoambulancës, 50-vjeçari ka ndërruar jetë.
Rruga ku ndodhi aksidenti u bllokua për një kohë të gjatë. Ndërkohë po punohet për zbardhjen e plotë të rrethanave të ngjarjes.
