Mbështetësit e Partisë Demokratike e kanë pritur me protesta kryeministrin Edi Rama sot në qytetin e Sarandës. Me pankarta në duar dhe me thirrjet “Rama Ik”, ata kanë tentuar t’i bllokojnë rrugën shefit të qeverisë, ndërsa nuk kanë munguar përplasjet mes tyre dhe Policisë së Shtetit.
Protesta vijon edhe në këto momente tek rruga e Flamurit, rreth 200 metra larg podiumit ku janë kandidatët e PS, Adrian Gurma i Sarandës dhe Majlinda Qilimi e Delvinës. Mes protestuesve janë edhe ish-deputetët, Fatbardh Kadilli dhe Nada Mecorrapaj.
