Një 19-vjeçar është rrëzuar nga kati i dytë në Ksamil.
Mësohet se i riu me iniciale A.H., ka rënë aksidentalisht nga kati i dytë i një resorti ku ndodhej për pushime, ku është dërguar me urgjencë drejt spitalit të Traumës. Fatmirësisht i lënduari ndodhet jashtë rrezikut për jetën.
Njoftimi i policisë:
Rreth orës 03:00, të mëngjesit të sotëm, Stacioni i Policisë Livadhja është njoftuar se ka shkuar për të marrë mjekim në spitalin e Sarandës, shtetasi A. H., 19 vjeç, i cili dyshohet se ka rënë aksidentalisht nga kati i dytë i një resorti për pushime, në Ksamil. 19-vjeçari është transportuar në Spitalin e Traumës, ku po merr asistencë të specializuar mjekësore dhe është jashtë rrezikut për jetën.
