Një ngjarje e rëndë ka ndodhur pak më parë në Pogradec, ku një 60-vjeçar është gjetur i mbytur në rezervuarin e fshatit Grabovicë.
I moshuari dyshohet se vuante nga probleme të shëndetit mendor. Nga kqyerja e trupit të viktimës nuk janë konstatuar shenja dhune, teksa grupi hetimor po punon për zbardhjen e rrethanave të ngjarjes.
Njoftimi i policisë:
Më datë 14.08.2023, rreth orës 15:33, në rezervuarin e fshatit Grabovicë, Pogradec, është gjetur i mbytur shtetasi E. A., rreth 60 vjeç, banues në fshatin Leshnicë, Pogradec, i cili dyshohet se vuante nga probleme të shëndetit mendor. Nga këqyrja paraprake e trupit të viktimës nuk janë konstatuar shenja dhune.
Grupi hetimor po punon për zbardhjen e rrethanave të ngjarjes.
