Sali Berisha, duket se është i vendosur deri në fund që të vazhdojë që të favorizojë qëndrimin artificial të Edi Ramës në pushtet, duke mbajtur opozitën të përçarë. I kapur në flagrancë në pazarin e kullës më të lartë në Ballkan, si ortak me klientët e Edi Ramës, duket se ai ka vendosur që edhe bashkinë e Kukësit në zgjedhjet e 24 shtatorit, t’ja dorrëzojë Rilindjes në pjatë, siç bëri edhe në zgjedhjet e 14 majit me bashkitë e tjera. Në një konferencë për mediat këtë të premte, Sali Berisha, u pyet nëse do të ketë një bashkëpunim me PD-zyrtare, për zgjedhjet e 24 shtatorit në Kukës.
Por Berisha sërish nuk zhgënjeu dhe u përgjigj se preferon bashkëpunim me Partinë Demokratike dhe Lulzim Bashën, po aq sa me ministrin e Brendshëm, Taulant Ballën. Sakaq ai u ndal te kulla që do të ndërtohet pas TKOB duke e mrojtur hapur pasi u shpreh, se projektet e kullave kanë qenë në plan që në vitin 2001, por që janë refuzuar miratimet e tyre.
A do të ketë bashkëpunim me PD zyrtare për zgjedhjet e 24 shtatorit në Kukës?
Berisha: Me Lulzim Bravën ka aleancë aq sa mund të ketë me Taulant Ballën. Kjo është përgjigjja ime. Demokratët duhet të bashkohen, por Brava dhe Alibasha janë pengje mjerane të keqpërdoruara nga Rama. E patë ju se si u ndez një sherr i tmerrshëm brenda PS-së për shkak të një keqkuptimi që Veliaj i bëri Bashës. E morët vesh se si ndërtuan një mal shpifjesh për lidhje të miat me kulla. Njeriu që nuk dha gjithë jetën e tij një leje për një kullë. Projektet e kullave i kanë origjinën e viteve 2001, nuk u aprovuan se unë kisha koncept tjetër për qytetin. Në planin urbanistik të Tiranës, nuk kishte ndërtese mbi 8 kate, ky është koncepti im. Nuk jam kundër arkitekturës qiellore, por duhet të këtë rregulla ku ndërtohet. Ju e dini që unë e kam hobi të akuzoj Ramën, por në këtë rast ishte Veliaj-Balla-Brava.
