Teksa fluksi i kërkesave për t’u pajisur me karta identiteti dhe pasaporta është i lartë, për shkak të kthimit të emigrantëve në atdhe, zyrat e “Identitek” për të bërë aplikimet do të jenë të hapura edhe gjatë 2 të shtunave të ardhshme, pra më datë 19 dhe 26 gusht
Lajmin e ka bërë të ditur vetë kompania “Identitek” përmes një njoftimi.
Ndërkohë kujtojmë se kuponët për letërnjoftime gjenden në zyrat Postës Shqiptare. Përmes procedurës normale, një pasaportë apo kartë identiteti kërkon rreth 2 javë kohë që të përgatitet. Ndërsa me procedurë të përshpejtuar, pasaporta mund të arrihet të merret për vetëm 3 ditë.
