Edhe pse jemi në vjeshtë dhe nuancat e tokës janë ato që identifikojnë më së shumti këtë stinë, prej shumë vitesh TETORI ËSHTË ROZE, njëlloj si ngjyra e fjongos së famshme që tashmë është kthyer në simbol të fushatave për parandalimin dhe depistimin e hershëm të kancerit të gjirit, një prej sëmundjeve më të përhapura te popullata femërore.
Këtë vit Galeria ETC, struktura e vetme multidimensionale në qendër të Tiranës ku mund të gjeni gjithçka që ju nevojitet, në bashkëpunim me mediumin e njohur Living Albania dhe Lulet e Dorit kanë vendosur t’i bashkohen kësaj kauze me një iniciativë krejtësisht të veçantë dhe dobiprurëse.
Nga datat 16-20 tetor ju ftojmë të kontribuoni me blerjen e një buqete për të ndihmuar një grua, një mama të diagnostikohet në kohë. Fondet e mbledhura do të shkojnë pranë Europa Donna Albania.
