Kombëtarja Shqiptare e futbollit me 99% është në fazën finale të Euro 2024 që do zhvillohet në Gjermani.
Me zyrtarizimin që pritet të vijë në ndeshjen kundër Moldavisë në nëntor, tanimë UEFA ka dhënë një LAJM TË MIRË për të gjithë tifozët.
Sportdashësit që do ndjekin nga pranë kombëtaren e Shqiperise dhe që do kenë një biletë për në stadium, do mund të lëvizin FALAS me transportin publik të dedikuar vetëm për në stadium, në 10 qytete ku do zhvillohet “Euro 2024” nga 14 qershori deri në 14 korrikun e 2024.
UEFA ka nënshkruar një marrëveshje me kompanitë gjermane të transportit publik të shoqatës (VDV) për t’u garantuar tifozëve që posedojnë bileta për turneun final, i cili do të luhet në dhjetë qytete pritëse në Gjermani nga 14 qershori deri më 14 korrik 2024, një kartë udhëtimi 36 orëshe, e cila do t’ju lejojë të udhëtoni falas në transportin publik me ndikim të ulët mjedisor.
