Policia ka dhënë detaje nga sherri mes dy shoferëve në Lezhë që degradoi në përdorimin e armës
Sipas uniformave blu, 35 vjeçari Tonin Ndreca dhe Marjan Kola dyshohet janë konfliktuar për parkimin e automjeteve.
Pas sherrit, Marjan Kola, banues në Kurbin ka qëlluar me armë në drejtim të shoferit të furgonit, të mbushur me pasagjerë.
Ky i fundit, sipas policisë, ndodhet në spital jashtë rrezikut për jetën. Ndërkohë po punohet për kapjen e autorit të ngjarjes.
Njoftimi i policisë
Rreth orës 11:00, në qytet Lezhë, në afërsi të shinave të trenit, gjatë një konflikti të çastit që dyshohet për parkimin e automjeteve, shtetasi Marjan Kola, banues në Kurbin, ka plagosur me armë zjarri shtetasin Tonin Ndreca 35 vjeç, banues në Laç, i cili ndodhet në spital jashtë rrezikut për jetën.
Autori i dyshuar është larguar menjëherë pas ngjarjes dhe vijon ndjekja nga ana e shërbimeve të Policisë për lokalizimin dhe kapjen e tij.
Në vendngjarje, grupi hetimor nën drejtimin e Prokurorisë, po kryen veprimet hetimore për zbardhjen e rrethanave të ngjarjes dhe dokumentimin ligjor.
