David Kozak është autori 24 vjeçar i masakrës në Pragë të Çekisë, ku kreu një sulm në Universitetin e Arteve, ndërsa la të vrarë 15 persona dhe 30 të tjerë të plagosur, 9 prej tyre në gjendje të rëndë.
Sipas mediave vendase, autori më para ka qëlluar veten dhe ka rënë nga çatia e universitetit.
Por ky sulm, ndonëse nuk është vënë në optikën e autoriteteve, duket se është paralajmëruar më 10 dhjetor të këtij viti, ndërsa autori shkruante në platformën Telegram se kërkonte të bënte një vrasje masive e më pas të vriste veten.
“Më lejoni të prezantoj veten time. Unë jam Davidi. Dua të bëj vrasje në shkollë, dhe mundësisht vetëvrasje. Alina Afanaskina më ka ndihmuar shumë. Gjithmonë kam dashur të kryej vrasje, mendoja se do të bëhesha një maniak në të ardhmen. Më pas kur Ilnas qëlloi, kuptova se ishte më shumë e vlefshme të bëja vrasje masive sesa vrasje seriale. Unë u ula… prita… ëndërrova… desha… por Alina u në pika ime e fundit. Ishte sikur ajo erdhi në ndihmë për mua nga parajsa në kohën e duhur”, shkruan Kozak.
