“Përgëzojmë Altin Dumanin”, Ambasada e Gjermanisë: SPAK ka treguar sukses të madh në luftën kundër korrupsionit

 Ambasada e Gjermanisë në Tiranë, ka reaguar pas takimit që pati këtë të mërkurë kreu i SPAK me ambasadorët e vendeve anëtare të BE.
Me një shënim në rrjetin social “Facebook”, ambasada gjermane e vlerësoi punën e Altin Dumanit dhe të strukturës që ai drejton.
Më tej, ambasada thotë se SPAK është pjesë kyçe e reformës në drejtësi, ndërsa shton se kjo strukturë po vijon të dëshmojë sukses në luftën kundër korrupsionit dhe krimit të organizuar.
“Ditën e sotme, Altin Dumani, kreu i Prokurorisë së Posaçme SPAK, prezantoi punën e tij para ambasadorëve të vendeve anëtare të BE-së  në Europe House. SPAK është pjesë e pazëvendësueshme e reformave në drejtësi  dhe tashmë ka treguar sukses të madh në luftën kundër korrupsionit dhe krimit të organizuar. Ne e përgëzojmë Altin Dumanin dhe ekipin e tij për këto arritje dhe do të vazhdojmë ta mbështesim më tej punën e tij”, -shkruan ambasada gjermane.