Forcat e sigurisë në Ekuador kanë nisur një operacion në një kompleks burgu të madh në qytetin port të Guayaquil.
Ushtarët dhe oficerët e policisë kanë hyrë në objekt dhe thonë se kanë rivendosur rendin pas një jave trazirash në burgjet në të gjithë vendin.
Presidenti i Ekuadorit, Daniel Noboa, tha se se qeveria e tij është në luftë me bandat dhe krimin e organizuar.
Kujtojmë se në fillim të këtij muaji, kreu i bandës Adolfo Macías Villamar, i njohur si “Fito”, u arratis nga i njëjti kompleks.
Imazhet tregojnë qindra trupa që sulmojnë burgun kryesor në Guayaquil.
Trupat duket se kanë marrë përsëri kontrollin e burgut, i cili konsiderohet baza e operacioneve për bandat e drogës në Guayaquil.
Lëvizja e fundit e qeverisë vjen menjëherë pas vrasjes së një prokurori, César Suarez, i cili po hetonte krimin e organizuar në Ekuador.
Suarez, i cili u vra gjatë rrugës për në një seancë dëgjimore të mërkurën, kishte parë një rrethim në një stacion televiziv lokal në Guayaquil kur persona të armatosur të maskuar morën kanalin drejtpërdrejt në transmetim dhe mbajtën peng gazetarët me armë.
