Kruja është shembulli se si duhet bërë opozitë për qytetarët duke iu gjendur krah atyre ndaj padrejtësive. Eshtë shembulli se si duhet të protesotesh krah një kauze që i bashkon të gjithë qytetarët pa dallim bindjesh. E pas, protestës së parë para pak ditësh dega e PD Krujë përmes kryetarit të saj Sabah Sheta si dhe deputetja Merita Bakiu i kanë çuar një shkresë Policisë së Shtetit duke e njoftuar për protestën e radhës tek Rotondo Thumanë.
Nga informacionet qe banoret kane projekti nuk parashikon dalje nga rruga, izolon 85 mijë banorë te Bashkisë Krujë dhe kthehet në kosto për qytetarët dhe bizneset.
Kjo problematikë kthehet në kosto jo vetëm për banorët e zonës, por edhe qytetarët që vijnë nga veriu i Shqipërisë, Kosova sepse nuk ka dalje nga Thumana deri në Rinas.
Për të mbërritur në Krujë do të duhet të shkohet njëherë në Qafë Kashar e më pas të kthehesh për në qytetin historik dhe kulturor të Krujës. Mungesa e parashikimit të daljeve nga autostrada nxjerr jashtë funksionit mijëra biznese të vogla dhe të mëdha duke iu dhënë atyre kosto.
