E diela e zezë mund të konsiderohet kjo ditë (4 shkurt), pasi dy persona kanë humbur jetën dhe tetë të tjerë kanë mbetur të plagosur në dy aksidente të rënda.
Rreth orës 17:30 në aksin Korçë-Bilisht pranë fshatit Belorta, ka humbur jetën një Elvis Mizaku 36-vjeç, dhe pesë të tjerë mbetën të plagosur, mes tyre edhe fëmijë.
Shkak i ngjarjes së rëndë dyshohet një manovër e gabuar e njërës prej makinave të përfshira në aksident.
Ndërkohë që mbrëmja e së dielës do të sillte një tjetër aksident tragjik, këtë herë në aksin Librazhd-Qafë Thanë në afërsi të Dragostunjës, ku një 18-vjeçar humb i jetën, ndërsa tre të tjerë mbetën të plagosur.
Meglin Zeneli, 21 vjeç humbi kontrollin e makinës dhe doli nga rruga. Si pasojë humbi jetën 18 vjeçari Dorian Belba, pasagjer.
I lënduar mbeti shoferi dhe dy persona të tjerë që ndodheshin në makinë Gerald Verçani dhe Janikos Jorgo.
Të tre u transportuan në spital për ndihmë mjekësore dhe mësohet se janë jashtë rrezikut për jetën. Grupi hetimor në vendngjarje po punon për zbardhjen e plotë të shkakut të aksidentit.
