Pasi policia zbuloi ngjarjen makabër në Shënvlash të Durrësit, ku fëmijët vranë dhe groposën në kasolle babain e tyre, Pëllumb Meta, 50-vjeç, përpos arrestimit të djemve dhe vajzës, u procedua penalisht edhe bashkëshortja e viktimës, Blerina Meta.
Kjo e fundit në një intervistë për “Euronews Albania” ka folur për herë të parë për ngjarjen.
Ajo është shprehur se ditën që ka ndodhur krimi ajo ka qenë në orë duke mbjellë tokën dhe kur është kthyer në shtëpi fëmijët nuk i kanë treguar për vrasjen e babait.
Pjesë nga intervista
Ku keni qenë në datën 10 shkurt?
Blerina Meta : Unë kam qenë në shtëpi, sepse punoj me bujqësi dhe blegtori. Të shtunën jam marrë më mbjelljen e arës. Sidomos nga dreka e tutje, që është marrë parasysh kjo kohë.
