Jetmiri ka deklaruar se në “Big Brother” duhet të qëndrojë ose ai ose Egla, pasi sipas tij kjo e fundit e ka ofenduar dhe bullizuar, dhe se përdor sharje në një program që sipas tij e ndjekin edhe fëmijët.
Ndërkohë opinionisti Arbër Hajdari i ka kujtuar atij se një vit më parë për Big Brother ka deklaruar se ky nuk është një program edukativ.
Pjesë nga diskutimi mes Jetmirit dhe Arbër Hajdarit:
Arbër: Unë bie dakord me Jetmirin në një deklaratë ku ka thënë një vit më parë që ky nuk është program edukativ, e po ashtu një vit më parë kur unë drejtoja kritikat e mia, Jetmiri thoshte që nuk jemi në komunizëm dhe ka vdekur.
Ndaj kur them bie dakord, bie dakord që ky është një reality show dhe secili ka të drejtë fjale dhe publiku gjykon përmes votave. Nëse ka revoltë brenda shtëpisë nga individë të caktuar, atëherë më jepni kohë deri të shtunën t’u numëroj banorëve nga i pari deri te i fundit çfarë ofendimesh kanë përdorur.
Ka mungesë koherence të Jetmirit që tani thotë që është program që e shikojnë fëmijët. Unë do doja të mësoja më shumë për ty dhe lojën tënde dhe mendoj se nuk të ka munguar hapësira për të treguar dinjitetin tënd. Nga kjo studio, jo vetëm për Eglën, por për këdo, sa herë ka pasur diçka që nuk ka qenë korrekt në syrin tim, ka marrë kritikë.
Jetmir: Interesante që solle qëndrimet e mia, ne vërtetë nuk jemi në komunizëm, por dhe demokracia ka rregullat e saj. Që unë të marr të drejtën time në këtë show më është dashur të bëj cirk. Që të them atë që unë mendoj, më është dashur të duroj, të bullizohem, të manjakizohem…
Arbër: Që të marrësh të drejtën, duhet të jesh koherent, të kesh një standard, jo dy!
Top Channel
