179 pasagjerët në një fluturim të Air India nga Bengaluru në Kochi përjetuan momente tmerri të shtunën mbrëma, kur një nga motorët e avionit mori flakë tetë minuta pas ngritjes, duke e detyruar pilotin të bënte një ulje emergjente.
Ngjarja është filmuar nga pasagjerët e avionit, i cili u ngrit më shumë se një orë me vonesë në krahasim me orën e planifikuar.
Kur avioni u kthye në aeroportin e Bengaluru-së, ekuipazhi u kërkoi pasagjerëve të qëndronin ulur duke thënë se “gjithçka është nën kontroll”. Zjarri u shua përfundimisht nga makinat zjarrfikëse të aeroportit me Air India që njoftoi një hetim për rrethanat e incidentit.
