Myslim Murrizi ka zbuluar se një zyrtar i lartë i shtetit i ka dërguar mesazh kërcënues një prokurori të SPAK.
Sipas Murrizit, zyrtari i lartë i shtetit i cili është nën hetim, ka kërcënuar prokurorin e SPAK duke i thënë të ketë kujdes nga ai sepse ai ka 1 milion miq.
“Një nga këta jo bota e krimit por krimat e pushtetit, i thotë një prokurori kujdes me mua se unë kam 1 milion miq, ti s’ke asnjë mik. Një nga këta krimat që është nën hetim tani afër, i thotë një prokurori që ka menduar se e ka pasur si ogiç të vetin një nga këta të SPAK, kujdes i thotë se unë kam 1 milion miq. Këta janë shenjtanë, këta i quajnë militantët dhe patronazhsitët e partisë sikur i kanë dhe miq personal. Zyrtar jo i vogël. I ka çuar mesazh një prokurori të SPAK, kujdes se unë kam 1 milion miq ti nuk ke asnjë.” tha Murrizi në Çim Peka Live.
