Italia nuk ka shkuar më shumë se një barazim pa gola përballë Turqisë në miqësoren e parë përpara startit të Europianit “Gjermani 2024”.
Të besuarit e Spaletit nuk arritën dot të gjenin rrugën e rrjetës, teksa shanset ishin të balancuara mes të dyja skuadrave.
Testi i radhës për Italinë do të jetë kundër Bosnjës & Hercegovinës më 9 qershor përpara se të ndeshet me Shqipërinë në ditën e dytë të Europianit, më 15 qershor në Dortmund.
Në sfidat e tjera, Portugalia mundi me rezultatin 4-2 Finlandën, Hungaria u mposht 2-1 nga Irlanda, ndërsa Austria triumfoi 2-1 përballë Serbisë.
