Uest Hemi dëshiron të çojë Federatën Angleze të Futbollit në gjykatë për t’i ndaluar ata që të pezullojnë përjetësisht Lukas Paketa nga futbolli.
“SunSport” zbuloi muajin e kaluar se FA po kërkon një dënim të përjetshëm për brazilianin, të cilin e akuzuan për katër raste trukimi në maj. Uest Hemi po mbështet mesfushorin brazilian dhe po mendon të shkojë në Gjykatën e Arbitrazhit Sportiv në Lozanë për të parandaluar FA që të dëgjojë çështjen.
Klubi londinez po vë në dyshim juridiksionin e FA-së, duke qenë të gjitha bastet e dyshimta të lidhura me Paketanë u vendosën në Brazil, ku ka një barrë më të lartë të provës në rastet disiplinore sportive.
Uest Hemi gjithashtu argumenton se është e paarsyeshme që një lojtar mund të humbasë karrierën e tij në një seancë disiplinore bazuar në balancën e probabiliteteve, pragun që përdoret për një vendim fajësie në rastet e FA. Siç zbuloi “SunSport” muajin e kaluar, fleta e akuzave e FA-së, e lëshuar për Paketanë në maj, përfshinte një rekomandim që ai të dënohej përgjithmonë, gjë që la Uest Hemin të shokuar dhe rriti vendosmërinë e tyre për të luftuar për të. Uest Hemi gjithashtu mund ta përballë FIFA-n në një sfidë ligjore në KAS, pasi atyre do t’i kërkohet të zbatohet një pezullimi në mbarë botën nëse Paketa shpallet fajtor nga FA, gjë që në shumicën e rasteve është një formalitet.
Lojtari ka qenë në Brazil ose duke përfaqësuar vendin e tij në Kupën e Amerikës që kur u akuzua në maj, por do t’i bashkohet Uest Hemit në Tampa javën e ardhshme, në turneun e tyre parasezonal në Shtetet e Bashkuara. 26-vjeçari këmbëngul se është i pafajshëm për të gjitha akuzat dhe është i vendosur të pastrojë emrin e tij. Paketa do të jetë në dispozicion të skuadrës së tij për pjesën më të madhe të sezonit, pasi seanca nuk do të zhvillohet deri në vitin e ardhshëm për shkak të kompleksitetit të çështjes dhe vështirësisë për të marrë prova nga Brazili.
