Ish-presidenti amerikan Donald Trump ka thënë se nuk do të marrë pjesë në një debat të dytë televiziv përpara zgjedhjeve presidenciale të nëntorit.
Ndërsa zëvendëspresidentja Kamala Harris, kandidatja e Partisë Demokratike, pranoi një ftesë për debatin e CNN më 23 tetor, kandidati republikan Trump tha në një tubim se ishte “shumë vonë” pasi votimi tashmë kishte filluar.
Ekipi i fushatës së Harris tha se duke pasur parasysh se ish-presidenti pretendonte se kishte fituar debatin e tyre të mëparshëm në Filadelfia në fillim të këtij muaji, ai duhet të pranojë.
Sondazhet e parakohshme të bëra pas atij takimi sugjeruan që shumica e shikuesve besonin se zëvendëspresidentja e tejkaloi sfiduesin e saj.
Duke folur në një tubim në Wilmington, Karolina e Veriut të shtunën, ai pretendoi fitoren përballë rivales demokrate, ndersa tha se “është tepër vonë” për një debat tjetër.
“Votimet tashmë kanë filluar,” tha ai, duke akuzuar Harris se po kërkon një raund tjetër “sepse ajo po humbet keq”.
