George Canning ishte një kryeministër britanik i shekullit të 19-të, dhe e vetmja arsye që përmendet më shpesh se të tjerët lidhet me mandatin më të shkurtër. Ai qëndroi në zyrë për vetëm 119 ditë (një vdekje e parakohshme e shkurtoi mandatin e tij). Kjo ndodhi derisa Liz Truss mposhti rekordin e tij në vitin 2022 (paaftësia i shkurtoi ditët e saj si kryeministre e Britanisë edhe më shumë). Canning ishte si kryeministër tepër mendjemprehtë, i cili tha (ndoshta në mënyrë apokrife), “unë mund të provoj gjithçka me statistika, përveç të vërtetës.”
The Economist, revista popullore në një analizë të kaluar thotë se, “si sasiorë që jemi, nuk do të ishim plotësisht dakord” me thënien e tij.
Prandaj edhe renditja e vendeve më të pasura në botë është e vështirë të realizohet me saktësi. Sepse nuk ka asnjë mënyrë të thjeshtë për të gjetur se cili vend është më i pasur.
Matjet si PBB-ja janë të shtrembëruara nga madhësia e popullsisë, ndërsa të ardhurat për person nuk marrin parasysh dallimet e çmimeve midis vendeve. Për një pasqyrë më të saktë, renditja bazohet me tre matës kryesorë. Amerika, e cila ka PBB-në më të madhe në vlerë, bie në vendin e gjashtë, të nëntë apo edhe të dhjetë, dhe mbetet pas disa mikroshteteve si Luksemburgu dhe Zvicra, kur përdoren matës të tjerë veç prodhimit e të ardhurave, siç është popullsia.
Duke analizuar të dhënat e GDP për frymë, “Top 10” ekonomitë e para në botë për vitin 2024 janë si më poshtë:
Luksemburgu
PBB: 88.56 miliardë dollarë
Popullsia: 639 mijë banorë
Luksemburgu, me GDP-në e lartë për frymë dhe sektorin e fortë financiar, është vendi më i pasur në botë. Kombi i vogël europian është bërë i njohur duke e përdorur pasurinë e tij për të siguruar standarde më të mira jetese, kujdes shëndetësor dhe arsim cilësor për popullsinë vendase. Për më tepër, Luksemburgu është një nga destinacionet kryesore turistike në botë, i famshëm për kështjellat idilike, gjelbërimin e bollshëm dhe kanalet piktoreske. Është gjithashtu një nga vendet e para që ofron transport publik falas dhe krenohet me pagën minimale më të lartë në botë.
Makao SAR
PBB: 54.68 miliardë dollarë
Popullsia: 695,168 banorë
Macao SAR është një rajon i veçantë administrativ i Kinës dhe pasuria e tij vjen kryesisht nga mbi 40 kazinotë, duke e bërë atë një nga destinacionet kryesore të udhëtimit në botë. Makao ishte kolonia e parë dhe e fundit evropiane në Azi. Pavarësisht se mori një goditje të jashtëzakonshme gjatë krizës COVID-19 për shkak të kufizimeve të udhëtimit dhe bllokimeve të shpeshta, ekonomia e saj po rimëkëmbet me shpejtësi falë qasjes së veçantë kapitaliste, e cila ndryshon nga ligjet e Kinës kontinentale.
Irlanda
PBB: 564.02 miliardë dollarë
Popullsia: 5.03 milionë banorë
Pas krizës së madhe financiare të vitit 2008, Irlanda bëri shumë përpjekje për të reformuar industrinë e saj bankare. Nisi me masa si shkurtime të pagave të sektorit publik për ta çuar ekonominë e saj atje ku është sot. Më tej, Irlanda është një nga parajsat më të mëdha tatimore të korporatave në botë, me kompani shumëkombëshe (të tilla si Apple, Google dhe Microsoft) që i kanë shtuar mbi 50 për qind ekonomisë irlandeze në vitet e fundit.
Singapori
PBB: 525.23 miliardë dollarë
Popullsia: 5.45 milionë banorë
Singapori është një nga qendrat më të mëdha në botë për bizneset dhe aktivitetet tregtare. Kombi aziatik ka shumë individë me vlerë të lartë neto në mesin e popullsisë së tij. Ekonomia megjithëse ka marrë disa goditje të njëpasnjëshme në vitet e fundit, me pandeminë në fillim dhe më pas nga dominimi kinez, me të cilin ishte një partner tregtar vendimtar në sektorin e prodhimit të Singaporit.
Katari
PBB: 244.69 miliardë dollarë
Popullsia: 2.93 milionë banorë
Katari (dhe gjithashtu Emiratet e Bashkuara Arabe) janë në listën e 10 ekonomive më të mira sipas renditjes së PBB-së për frymë për vitin 2024, duke përfituar kryesisht nga rezervat e tyre të burimeve natyrore. Katari ka rezervat e treta më të mëdha të gazit në botë. Rezervat e naftës dhe gazit natyror të Katarit janë dukshëm të mëdha në krahasim me popullsinë e tij, duke kontribuar në renditjen e tij midis vendeve më të pasura. Katari gjithashtu po rrit ekonominë në sektorë të tjerë siç ishte organizimi i Botërorit 2022 çka i dha një shtysë të madhe turizmit dhe ekonomisë së vendit arab.
Emiratet e Bashkuara Arabe
PBB: 527.8 miliardë dollarë
Popullsia: 9.99 milionë banorë
Pas Turqisë dhe Arabisë Saudite, Emiratet e Bashkuara Arabe kanë ekonominë e tretë më të madhe në Lindjen e Mesme. Emiratet e Bashkuara Arabe përfitojnë shumë nga burimet e saj natyrore, pavarësisht se nuk kanë lumenj. Vetëm 20 përqind e popullsisë është vendase, me pjesën tjetër të tërhequr nga përfitimet ekonomike si pagat pa taksa. Përveç sektorit të hidrokarbureve, turizmi, financat dhe ndërtimi janë industri fitimprurëse në Emiratet e Bashkuara Arabe.
Zvicra
PBB: 938.46 miliardë dollarë
Popullsia: 8.70 milionë banorë
Një nga pikat më të mëdha turistike në botë, Zvicra ka gjithashtu një sektor financiar tepër të zhvilluar. Vendi alpin përfiton nga eksportet e metaleve të çmuara, instrumenteve precize dhe makinerive si kompjuterët dhe pajisjet mjekësore. Rreth 74 përqind e PBB-së zvicerane vjen nga sektori i shërbimeve dhe 25 përqind nga industria, me më pak se një përqind nga sektori i bujqësisë. Zvicra ka më tej normën më të ulët të TVSH-së në Europë.
San Marino
PBB: 2.03 miliardë dollarë
Popullsia: 33,580 banorë
San Marino është republika më e vjetër në Evropë dhe e pesta më e vogla në kontinent. Normat e tatimit mbi të ardhurat janë të pakta, gjë që kontribuon në pasurinë e mbajtur nga qytetarët. Është një nga vendet e pakta në botë që nuk ka borxh kombëtar deri në vitin 2023. Duke qenë i mbyllur nga Italia, San Marino ka mjaft ndikim në kulturën italiane dhe është gjithashtu një nga vendet më piktoreske që mburret me turistë nga e gjithë bota.
Shtetet e Bashkuara
GDP: 28.78 trilion dollarë
Popullsia: 332 milionë banorë
Edhe sipas analizës së PBB-dë për frymë të SHBA-së, vendi më i fuqishëm në botë patjetër hyn në listën e 10 ekonomive më të mira. Sipas PBB-së për frymë veç të qenit një njësi ekonomike dominuese, Amerika është gjithashtu e përforcuar nga aftësitë e saj ushtarake.
Islanda
PBB: 33.34 miliardë dollarë
Popullsia: 3.7 milionë banorë
Vendi ishullor nordik është i njohur jashtë Europës për dy arsye: Ekipin e Kriketit dhe “Viking Thunder Clap” ekipi i futbollit i Islandës që u bë i famshëm në UEFA Euro 2016. Por është gjithashtu një nga vendet më të pasura në botë. Ekonomia me taksa të ulëta ndihmon tregjet e saj të lulëzojnë. Kombi viking renditet gjithashtu lart në listat e ndryshme që matin performancën bazuar në cilësinë e jetës, arsimin, mbrojtjen e lirive civile, transparencën e qeverisë dhe lirinë ekonomike.
Norvegjia
PBB: 526.95 miliardë dollarë
Popullsia: 5.41 milionë banorë
Norvegjia mbetet një ofrues kryesor i naftës në territoret e Evropës Perëndimore. Vendi nordik ka bërë përparim të mirë financiar pasi ekonomia e saj u trondit gjatë krizës Covid-19. Më tej, Norvegjia ka një fond të pasurisë sovrane prej 1.3 trilion dollarësh për të trajtuar urgjentisht çdo krizë, më i madhi i këtij lloji në botë. /Liberale.al/
